موضوع خفيييييييييييييييييييف

الموضوع خفيف خالص بس ممكن تعتبروه لعبه!!ويارب يعجبكم
كل واحد من الاعضاء!! يقول حاجه حصلت وهو مضدايق أنها حصلت أوفرحان وأكتر حاجه بتفرحه وأكتر حاجه بتزعله وهواياته وأهتماماته وأحلامه أوذكريات وأكتر حاجه مهمه لازم يعملها فى يومه ....... المهم أن الرد يكون بصراحه وبس. لومش هاتتكلموا بصراحه يبقى بلاش تردوا أحسن
مستنيه ....الصراحه

أكتر موقف فرحنى :أنى لقيت واحدة كنت بدور عليها من زمان علشان تكون صحبة عمرى
: أكتر موقف زعلنى: أنى وثقت فى واحدة ماتستحقش ثقتى فيها
أكتر حاجه بتفرحنى : أنى أحس بحب الناس ليا وأحترامهم لشخصيتى
أكتر حاجه بتزعلنى: أنى بتخدع فى الناس كتير وبحس أنى مش الدنيا دى مكانى!!!!
هواياتى:عندى هواية العزف كويسه جدا بس مش باهتم بيها دلوقتى! وبحب القراءة جدا بس لغاية دلوقتى قرائتى بتكون فى القصص الخياليه (هارى بوتر) وبحب الرسم (بس بمزاج)
أحلامى :أول حاجه أكون من أهل الجنه أنا وعائلتى أتنين أكون فى مستقبلى عالمه كبيرة فى الفلك أو العلوم ويكون عندى أكتشافات مزهله وأنى أكون سعيده حاليا و مع أسرتى المستقبليه
ذكريات:أممم مافيش ذكريات مهمه أوى بس أحلى ذكريات ذكريات الطفوله
أكتر حاجه لازم أعملها :طبعا هو المفروض لصلاة بس علشان أنا طلبت الصراحه أنا مش ملتزمه فيها بس أكتر حاجه هى أنى أشوف الجديد فى المنتدى (بس دا كان زمان دلوقتى منين هالاقى جديد؟!)وطبعا شغل البنات بقى يعنى مساعدة ماما

شكرا على ردك مستر بس رغم أنك ماجاوبت على كل الاسئله ألا وأنك ناجح هههههه قصدى ردك حلو وربنا يحققلك أحلامك ألى ماتخلص ههههههههههههههه
وبالنسبه ألى باقى الاعضاء أكيد أنا أولهم وأخرهم (لأن مافى حد أصلا ههه)
باى......