teens4ever


 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 نكت مصريه شديده

اذهب الى الأسفل 
كاتب الموضوعرسالة
اياد
Cool Teen
Cool Teen
avatar

ذكر
المشاركـات : 108
العمر : 23
البلد : مصر
العمل : طالب
المزاج : حسب الحاله

مُساهمةموضوع: نكت مصريه شديده   الأربعاء يونيو 03, 2009 7:42 am

جبتلكم شويه نكت مصريه شديده :


مره واحد بيموت فجمع عياله علشان يقول وصيته وقال لهم انتوا لازم تبقوا أيد واحدة وطول ما انتوا ايد واحدة مفيش قوه هاتقدر عليكم واعطى الابن الكبير منهم عصاية فكسرها فاعطاله اتنين فكسرهم فاعطاله 50عصاية راح كسرهم قالهم شوفتوا طول ماانتوا معاكم البغل ده ماتخفوش على نفسكم ابدا.


بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى
مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول
زلعة بس نسى يسمى، تانى شهر برضه نسى يسمى، ثالث شهر طلع له الشيطان قال
له:"ابوس ايدك سمى، صدرى اتحرق!".


مرة واحد غبى مش عايز يروح المدرسة ابوه قاله ليه مش عايز تروح المدرسة اصل يا
بابا المدرس بيقولى انا غبى ومبفهمش قالوا طيب انا هروح معاك المدرسة وهشوف
المدرس المهم ان ابو الواد راح المدرسة قال للمدرس انت ليه بتقول على ابنى غبى
ومبيفهمش المدرس قال انا هثبتلك ان ابنك غبى راح المدرس قال للواد روح شوفنى فى
الفصل الجنبنا وتعالى راح الواد وجيه قال مش موجود فى الفصل راح ابو الواد
قال ملقتهوش فى الفصل اللي جنبنا طب شوفو في اللي بعدوه.


مره خمس صعايده داخلين امتحان فجالهم سوال ما هي عدد ارجل المعزه؟ كلهم قعد بقي
يسالوا الدحيح بتاعهم مكنش بيرد عليهم بعد الامتحان بيسالوا انت مكنتش بترد ليه قالهم اصل المراقب كان جنبي معرفتش طلع المعزه .


واحد صعيدى عينوه مدير ملجأ أيتام اول قرار اخده اجتماع لأولياء الامور .


بلدياتنا و امريكى و يابانى عرضوهم على جهاز كشف الكذب
اليابانى: إحنا بنفكر نعمل انسان آلى و نستغنى عن البشر ، راح الجهاز صقر..
الامريكى: احنا بنفكر نطلع المريخ و نعمل مستوطنات عليه، راح الجهاز صفر..
بلدياتنا: إحنا (بنفكر) ولسه مكملش ،،،،،،،،،،راح الجهاز صفر.


اربعه صعايدة بيلعبو علي الطريق السريع الي العربيه تخبطه مرتين يطلع بره.


واحد صعيدى واقف قدامه خمس شياطين .... واحد يوسوسله و اربعه يفهموه


في بنت بتقول لبابها بابا في شاب ابن ناس ومافيهوش ولا عيب عايز يجي يخطبني
طبعآ وافق الاب
جه الشاب وقعد مع الاب وكان في فمه لبانه قاله الاب انت عجبتني قوىوما فيكش ولا عيب
بس هل دى مناسبه تمضغ فيها لبانه؟
قاله بس ياعمي ضرورية بعد السيجارة قاله هو أنت بتدخن؟ قاله على خفيف مع كاس الويسكي
قاله وبتشرب كمان قاله احيانآ لما بلعب قمار قاله فين بقى بتلعب القمار؟

قاله فى الكباريه
قاله ومن امتآ بتروح على الكباريهات؟ قاله من وقت ما طلعت من االسجن قاله وليه دخلت السجن؟

قاله ضربت واحد بالسكينة ومات

قلو وليه موِتته؟ قاله لاني طلبت ايد بنته وما وافقش
قاله الاب على بركة ألله يللا نقرا الفاتحة....


واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين.


صعيدي مراتو اشتركت فى من سيربح المليون جوزها طلقها عشان اتصلت بصديق



واحد مسطول راح صيدلية يشترى جبنة حاول الصيدلى يفهمه ان مفيش جبنه بتتباع هنا وشويه و المسطول صحبو جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون.


واحد صعيدي حب يعمل روش كتب على الشومة أديداس


واحد صعيدي مراته بتقوله قوللي حاجة حلوة
قاللها بسبوسة
قالتله لأ قوللي حاجة تهزني
قاللها مرجيحة
قالتله يا راجل قولي كلمة تحسسني ان انا مراتك
قالها انت طالق


حسنين بيقول لصاحبه : والله ماعرفتش طعم النوم في القطر امبارح
صاحبه : ليه ؟
حسنين : عشان كنت نايم في السرير الفوقاني
صاحبه: وماعرفتش تبدل
حسنين : لأ، ماكانش فيه حد في السرير التحتاني عشان ابدل معاه


صعيدي بالغلط دخل متحف للفن الحديث
توقف عند احد اللوحات وسأل أحد المنظمين
ايه الشكل المرعب ده، هو ده الفن اللي بتسموه حديث؟
رد المنظم : دى مراية يا أستاذ


مرة واحد بلدياتنا ركب تاكسى وقال للسواق عايز أروح كوكب تانى ، السواق وداه الصحرا ، الراجل بلدياتنا شاف واحد افتكرو مخلوق فضائي بلدياتنا قاله ايه اللى جابك هنا رد عليه قاله و انت ايه اللى جابك هنا أنا حران من الشمس الراجل بلدياتنا قاله وأنا هريدى من الأرض .


جورج قرداحي بيسأل واحد صعيدي ببقوله الحج فرض ولا سنه قاله هتصل بصديق أتصل
بهريدى صديقه وقاله الحج فرض ولا سنه هريدي قاله لا الحج قرعه .


صعيدي راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير جصب

صعيدي عايز يروح حفله تنكريه بعت أخوه


عريس عصبي يوم فرحه كتب في بطاقةالدعوة: الزفت اللي هايجي ميتأخرش...واللي مش جاي في ستين داهية ... والعيال الرذلين الصغيرين يتخمدوا فى البيت..... و اللي هاتجيب موبايل كاميرا هفقع لها عينيها الاتنين....وابقوا اطفحوا فيبيوتكم .. كفايه اللي دفعته للموكوسه العروسه.... اللي هتمد ايدها عالتورته هقطعهالها ..وابقى حلي في البيت ياختي انتى وهى .. منتو زي القطط تاكلوا وتنكروا .... الرقص ممنوع .. الضحك بصوت ومن غير صوت ممنوع...... وابقى عيل لو اتجوزت تانى .

ا

اتنين متجوزين من عشرين سنة .. قرروا يروحوا يصيفوا
ع البحر بنفس الفندق اللى قضوا فيه شهر العسل زمان
لكن الزوجة كانت مشغولة فاتفقت مع زوجها على إنه يسافر لوحده و هى
ها تحصله بعد يومين
وصل الزوج ع الفندق و دخل الغرفة فوجد كمبيوتر بالغرفة و متوصل بكابل الانترنت فقا م يبعت ايميل لزوجته يطمئنها فيه على أحواله
بعد ماكتب الرسالة و هو بيكتب عنوان البريد الالكترونى لزوجته أخطأ فى كتابة حرف فى العنوان
و بالطبع راح الايميل لشخص تانى تصادف إنه كان لأرملة لسة راجعة من مراسم دفن زوجها اللى توفاه الله بنفس اليوم .. الست الأرملة فتحت الكمبيوتر بتاعها لتقرأ ايميلات التعازى وقعت ع الأرض مغمى عليها بلحظة دخول ابنها اللى حاول يسعفها بكل الطرق و لم يفلح فى إفاقتها
نظر الابن إلى كمبيوتر والدته و قرأ الرسالة التالية
زوجتى العزيزة .. وصلت بخير .. و يمكن تتفاجئى لأنك ح تعرفى أخبارى عن طريق الانترنت لأنه دلوقتى بقى فيه كمبيوتر عندهم و يقدر الواحد يبعت أخباره لأهله و أحبابه يوم بيوم
أنا بقى لى ساعة واصل و تأكدت إنهم جهزوا المكان و كل شىء و مش باقى غير وصولك لعندى هنا بعد يومين
إشتقت لك كتير و مشتاق أشوفك و باتمنى تكون رحلة سريعة زى رحلتى
ملاحظة : مش ضرورى تجيبى ملابس كتيرة معاكى لأن هنا الحر شديد قوى قوى يعنى جهنم !!!








مستني ردودكم وعلي فكره محدش يفتكر ان الصعيده اغبياء دول بالعكس اذكيه جدا جدا بس هما الي بيطلعو نكت علي نفسهم lol!


عدل سابقا من قبل اياد في الأربعاء يونيو 03, 2009 8:38 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ayaa
Cool Teen
Cool Teen
avatar

انثى
المشاركـات : 187
العمر : 24
البلد : egept
العمل : student
المزاج : baaaaaaad

مُساهمةموضوع: رد: نكت مصريه شديده   الأربعاء يونيو 03, 2009 8:07 pm

ألف شكر على النكت الشديده دى يا أياد( علشان تصدق أنك ألى بتدحكنا)بس أيه حكايت شديده معاك أحنا عندنا جامده مش شديده Exclamation Exclamation المهم أنهم حلوين أيه حكايت الصعايده أنا فيا عرق صعيدى والعرق يمد لسابع جد ههههههه وأكيد أنتى كمان ليك فايبقى ليه الغلط بقى دى 3/4 النكت عليهم وبعدين أحنا ألى بنقول على نفسنا مش الصعايده ألى بيقولوا على نفسهم Exclamation Exclamationبس بجد أنا هلكت من الدحك برافووووووووووو عليك أنك أخترتهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اياد
Cool Teen
Cool Teen
avatar

ذكر
المشاركـات : 108
العمر : 23
البلد : مصر
العمل : طالب
المزاج : حسب الحاله

مُساهمةموضوع: رد: نكت مصريه شديده   الأربعاء يونيو 03, 2009 8:35 pm

هههههه لا واحنا عندنا جامده وشديده عادي بس انا جت معايه كده بس اللغه العندنا في الغردقه لما من كل حته شويه كلمات يعني من ده علي ده بس انا كمان في عرق صعيدي ( حلوه عرق ) بس بجد والله انا اصلي صعيدي ومش لسابع جد كمان اقرب من كده بكتير وانا اصلي من قنا يعني صعيدي فعادي يعني وقصدي احنا الي بنطلع نكت علي نفسنا زي ما انت قلتي وشكرا علي الرد lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mr.mbq
~:..الــمــديـــر..:~
~:..الــمــديـــر..:~
avatar

ذكر
المشاركـات : 342
البلد : the love city
العمل : عايش حياتي
المزاج : متغير

مُساهمةموضوع: رد: نكت مصريه شديده   الخميس يونيو 04, 2009 6:58 am

ههههههههههههههه
نكت جامده جدا شكرا لكل يا اياد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://teens-4ever.hooxs.com
اياد
Cool Teen
Cool Teen
avatar

ذكر
المشاركـات : 108
العمر : 23
البلد : مصر
العمل : طالب
المزاج : حسب الحاله

مُساهمةموضوع: رد: نكت مصريه شديده   الجمعة يونيو 05, 2009 2:15 pm

شكرا علي ردك يا مستر lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت مصريه شديده
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
teens4ever :: ¤®§(§ المنتديات العامة§)§®¤ :: النكت والقصص-
انتقل الى: