«.•° حبيبي معـايـا °•.»
والله و تحقق منايا
شوفوا حبيبي معايا
يا أهل الحسد والوشايا
سعادة القلب وياه
والماي عود لمجراه
حاولتوا ياما و يامة
زدتوا علينا الملامة
لكن وصلنا بسلامة
ومن يزرع الخير يلقاه
يا حاسدينا إليكم
من خوف قلبي عليكم
حياتنا مو بيدكم
مكتوب عشناه و شفناه
والله و شبكنا الأيادي
قدام كل الأعادي
رايق لنا الجو هادي
سلم و أنا قلبي حياه
==============================
«.• وينك حبيبي °•.»
وينك حبيبي ما دريت شصـــــــــار
الناس حطت دوبها ودوبـــــــــــي
العين هلت دمعها مــــــــــــــــدرار
امشي مضيع في الهوى دروبــــي
تدري احبك وهم عليك اغـــــــــــار
وتدري سكوتي اكبر عيوبــــــــــي
ولو خيروني من البشر ما اختــــار
انت حبيبي وانت مطلوبـــــــــــــي
لا شفت زولك هلت الانــــــــــــوار
افرح واعطر كفي وثوبـــــــــــــي
يا زين بوجودك تزين الـــــــــــدار
انت هنا عمري ومحبوبــــــــــــي
بين الصبر والهم انا محتـــــــــــار
مقدر اداري طبعي واسلوبــــــــي
الله يعدل ميلت الاقـــــــــــــــــــدار
واحلى الليالي تلتفت صوبــــــــــي
============================
«.•° وحشتني سواليفك °•.
وحشتني سواليفك / وحشة شوفتك أكثر
كل ليله مع طيفك / حبيب الروح أنا اتحسر
طاير من عيوني النوم / على ذا الحال أنا كل يوم
سمّعني حبيبي الصوت / وسيرني على كيفك
كلامك فيه نشوة روح / يحرك فيني الوجدان
يعطيني أمل مفتوح / في لقياك مهما كان
ساعة يختفي صوتك / أعيش بعالم الحرمان
لا تقطع علي الصوت / أنا مقدر على الحرمان
=================================
«.•° عاش من شافـك °•.»
عاش من شافك حبيبي
وين كل هالغيبة عنا
كانها ظروفك رضينا
كانها غيره زعلنا
حلم ولا علم شوفك
ولا أنا أكذب عيوني
من كثر ما أنا أنتظرتك
شوقي وصلني جنوني
يا هلا والله بحبيبي
اللي ما أتحمل بعاده
كل هالغيبة تغلي
ولا أنا شوقي بزياده
والله لك بالقلب وحشه
يا حبيبي و أنت غايب
و أفرحت عيني و قرت
فيك يا أغلى الحبايب
========================
«.•° وحشـتيني °•.»
وحشتيني وجيت أسأل..أسأل
واظن اني على بالك..على بالك..
عسى ماشر ماتسال تسأل..
وش اللي غير احوالك..
وحشتيني..وحشتيني..
رغم بعدك وتقصيرك..
ورغم انك معي قاطع..
تزعلني واجي لرضاك..
وأحبك وارضى بالواقع..
وحشتيني..وحشتيني..
ترى مهما جرى مني..
ومهما كنت انا الغلطان..
سؤالك عني مايمنع..
ولو قلبك علي زعلان,,
وحشتيني..وحشتيني..
======================
«.•° المحـبة °•.»
المحبة نارها نار وادواها دوى
وانت في قربك سعادة وفي بعدك عذاب
ودي انك معاي تعيش وان متنا سوى
ما تغيرنا الليالي ولا طول الغياب
يا حبيبي مقدر انساك ولو قلبي نوى
يا ما فينا الناس قالوا وياما الظن خاب
كم عذول في هوانا تحدى والتوى
رافعين الراس في الحب ما نحسب حساب
يشهد الله الوفا فيك هو سر الهوى
والا يا مكثر قلوب محبتها سراب
دايم المشتاق لو كان يشرب ما ارتوى
اسال اللي جرب الحب يعطيك الجواب
===========================
|| ¤.. القمره ..¤ ||
كلمات : مبارك الحديبي
ألحان : راشد الماجد
أقول اللي يبي القمرة
وهو في حبها مولع
أما هيا تنزلة
ولا هو لها يطلع
الا يامللم جروحك
ومعزم لها تطلع
أخاف يطول عليك الدرب
ومن نص الطريق ترجع
واللي هو مو قد الشوق
لا يعشق و لا يهوى
لا يكابر و يقول أقدر
مدام قليبه ما يقوى
لا تحسب ليالي الحب
كل ساعة بها حلوة
ولا ضنيت كل واحد
ترى يستاهل العنوة
مالك إلا هذا الحل
اي حل غيره ماينفع
أما أنك تهـون
ولا تروح لها وتخضع
==========================
|| ¤.. شرطان الذهب ..¤ ||
كلمات : السامر
ألحان : صالح الشهري
لف شرطان الذهب فوق المتون
لفها يوم إلتوت فوق البياض
خاف غضات الصبايا يزعلون
سيدات البيض مافيه أعتراض
إن حكى غصبٍ عليهم يسكتون
وإن سكت تسكت معه كل الرياض
يا جماعة يوم سلهم بالعيون
قال يارمشي من السامر تقاض
لو هو ماخلى المدامع يرحمون
كان متنا يوم برق العين ناض
يا صلى الله يا عيونٍ تقطعون
وتهلكون الحي بصحاحٍ مراض
=========================
|| ¤.. عذاب العاشقينا ..¤ ||
كلمات : عــزام
ألحان : راشد الماجد
أريدك يا عذاب العاشقينا
تروح بحفظ مولاك وتجينا
ولكن لاتطول في عيابك
كفاك الله شر الحاسدينا
أنا لا شفت زولك قمت أهلي
من الفرحة و أصفق باليدينا
ترى لك مسرحٍ بالحب عامر
به أهل العشق دائم حافلينا
إلى منك ضحكت يرتاح بالي
وإلى كتمت من همك بكينا
حبيبي لا تخاطبني بغيضك
تبسم و الفرح خله يجينا
ترى مال الوليف إلا وليفه
تزين أيامنا ولا تشينا
ولا يجهلك ظن إني ما أحبك
أحبك و أنت سيد العارفينا
========================
|| ¤.. سألنا عنك ..¤ ||
كلمات : عــزام
ألحان : محمد البلوشي
سألنا عنك يالمحبوب وينك
ترى المحبوب تذكره الحبايب
و أنا في حقي الواضح بأدينك
شباب و لو يصير الراس شايب
نهار أودعك تشـّر يدينك
و دمعك فوق خدّينك صبايب
كما القنديل يضوي لي جبينك
و على متنك تحدرّن الذوايب
ألا يا صاحبي يا كثر زينك
يغارن منك حلوات القرايب
و ألا يا زين تكحيلك لعينك
رسمته بالعيون أم المصايب
أحبك و أستهين اللي يهينك
و أدافع عنك لو حاضر و غايب
ألا يا كثر ناس ٍ عاشقينك
و لكن وصلنا ينهي الطلايب
==============================
|| ¤.. رجاوي ..¤ ||
كلمات : فيصل بن تركي بن ناصر
ألحان : صالح الشهري
ما أبي أسمع رجـاوي
ما أبي أسمع حلوف
كل عاشق يخطي مرة
وأنت تخطي بالألوف
ببتعد .. وهذا قراري
وما على مثلك حسوف
كل مرة تقولي آسف
وأنت تتعمد خطاك
هي وين هذي العواطف
ياللي شاغلني معاك
لما صبري زاد عن حده ومل
قلت أبعد يمكن ألقى البعد حل
خذ بقايا ذكرياتك
والأماني والوعود
وأمحي أسمي من حياتك
وأنسى أني بالوجود
لا ترجى ما أبي أسمع رجاك
مل صبري وضاعت أيامي معاك
=============================
«.•° متكـبر علـينا °•.»
يعني ماودك تجينا
يعني متكبر علينا
صرت متغير وقاسي
صرت حتى تشك فينا
مانسينا الماضي والله
وعلى جفاك يعين الله
وأن نسيتوا بشكي الله
وإن هويتونا هوينا
حط نفسك في مكاني
كيف أتحمل زماني
جرب أحساسك عشاني
قول والباقي علينا
صدق حبيتك يا غالي
وأسهر عشانك ليالي
كيف أنسى ذا محالي
ومن العواذل ماعلينا
_______________________________
«.•° جاني حبيبي °•.»
جاني حبيبي من بعد غيبة سنين
يقول سامحني بأرد لمكاني
وأنا وربي ما تشافيت للحين
للحين وأنا من جروحه أعاني
أخاف أسامح وأنصدم فيه بعدين
وأرد لأحزاني ولوعة زماني
ومن جرح واحد خايف يصير جرحين
وأنا وربي اللي شفته كفاني
هالحين وين وكل شئ مضى وين
وين المحبة والوفاء والأماني
معقولة أرجع من بعد غيبة سنين
والله ما أرجع له ولا أعود ثاني
_______________________________
«.•° تجـرحي °•.»
تجرحي بأسم المحبة
وبعد غيبة تسألين
ياللي بجروحك كريمة
من متى قلبك علي
لا تقوليلي حياتك
وتأخذيني منها
لا تهدي ذكرياتك
تسأليني عنها
الوداع آخر حروف
في خفوقي شلتها
يا تموت بوسط قلبي
يا أموت أن قلتها
ياللي حبك في حياتي
كان حلم وأنتهى
_______________________________
«.•° سلام عليهم °•.»
سلام عليهم بعد ما جفونا
وقلبي في أيديهم وهم أنكرونا
أحبهم ولكن نسونا .. نسونا
وقلبي سيبقى أسيراً لهم
أكم من محب يعاني فراقا
وبعد الفراقي يزيد أشتياقا
أنا عاشق بل تمنى العناقا
وقلبي سيبقى أسير لهم
_______________________________
«.•° الحـل الصعـب °•.»
إسقني حب.. أو إسقني فرقى
إن صبرت أشقى.. أو هجرت أشقى
العمر يمضي.. والجروح تبقى
إختر الحل الصعب.. يا تفارق يا تحب
لا تتردد في غرامي لا لا
إبتسامي دمع وسكوتي كلامي
إفتح يدينك لشمسي ولهمومي
كحل عيونك بدمعي وبشحوبي
وإعشق الهم اللي فيني
هذا إن كانك تبيني
إختر الحل الصعب.. يا تفارق يا تحب
لا تحدد لي مراحل لا لا
يا تجيني حب يا تودعني راحل
هذي ورده للهواء.. وهذي جروح
عطني روحي سيدي.. أو خذها روحك
وش بقى ضاعت سنيني
يا بعد قلبي وعيني
إختر الحل الصعب.. يا تفارق يا تحب
_______________________________
«.•° عـفنـاك °•.»
مثلك حصلي ومثلي حصل بيده
لو كنت بستان واللؤلؤ عناقيده
شاورت أنا القلب وقال القلب ما أريده
عفناك ياللي بعت نفسك رخيصة
عفناك يوم أنك تسالمت للبيع
بحرك قريب القاع كل يغيصه
ومانشرب الأقداح من عقب تكريع
روحي على حبك كانت حريصة
ومتربع حبك على العرش تربيع
عز الله حبي لك أكبر نقيصة
جرح كبير ما نفع فيه ترقيع
أول شقيق القلب وأنت خليصه
واليوم غدرك لوع القلب تلويع
أنسى زمن الحب وأنسى قصيصه
وأبعد بعيد هناك من غير توديع
_______________________________
«.•° يومـين °•.»
ما شفت أغلى من غلاك
وما شفت أقسى من قساك
سواها قلبك يا عنيد
يومين ما أسولف معاك
ما دمت أنا متهني فيك
وأنت تبيني وأنا أبيك
ليه تتعمد تغيب
وأنا اللي قلبي بين أيديك
مدري تغلي أو زعل
ولا أن قلبك مني مل
إذا أنت تقوى على الغياب
علمني و شلون أحتمل
زودتها مره معاي
همك بهالدنيا عناي
وأنا ترى مابي كثير
أبي أحس أنك هناي
_______________________________
«.•° نسـيناكم °•.»
ما عاد بقلبنا ذكرى نسيناكم
ولا لأيامنا ذكرى نسيناكم
مدام أنتوا تغيرتوا
بعد حنا تغيرنا
ولابه شئ يرجعنا
خلاص اليوم نسيناكم
ياليت فوقتها كنتوا فهمتونا
ولا عنا تخليتوا وبعتونا
وقدرتوا الوفاء والحب
اللي جالكم منا
حسافة ماتفاهمنا
خلاص اليوم نسيناكم
عانيت ياما لأجل أرضي خواطرهم
وداريت همي وكنت أشقى وأريحهم
صبرت وصرت أنا وقلبي
ندور من يصبرنا
خسارة ماتفاهمنا
خلاص اليوم نسيناكم
_______________________________
«.•° يسلم راسك °•.»
أجيك يسلم رأسك وشلون ما أجيك
وياك أنا بالذات صعب أتغلى
والله مدري من الغلا وين أوديك
تسوى عيوني ولا بعد يمكن أغلى
لا جيت أنادي غيرك أسهى وأناديك
غصب علي أليا طروك أتجلى
روحي تناديلك وقلبي يناديك
عليك ومافي دنيتي شئ يغلى
أمر تدلل مالك الا اللي يرضيك
قدرك على كل الخلايق تعلى
قلنا تغلى مير زدت بتغليك
والناس قالوا من تغلى تخلى
_______________________________
«.•° دلوعـتي °•.»
دلوعتي كل الحلا فيها
احترت انا مدري شسميها
في حسنها كأن البدر ضاوي
اخت القمر محد يساويها
محبوبتي في كامل صباها
يا زين بسمتها وممشاها
ما واحد في الكون يسواها
حتى الخطا منها يخليها
على ديار الزين انا ساري
مادام دار الزين هي داري
الكون في تدليعها يماري
بالزين كل الناس تطريها
ولهان واغلى الناس ولهانة
والشوق فيني تنبض اشجانه
دلوعتي بين البشر دانة
ياليت ربي لي يخليها
_______________________________
«.•° علـمني °•.»
علمني وشلون أنساك وأنام
وأنا اللي لك صاحي أيام وأيام
شاغلني في بالي شوقك ولا يروح
صاحي أنا ونايم ما يروح ما يروح
دنياك دنياي هو حد يسواك
في القلب وياي و في البال وياك
يالغالي وشلون تظن أبنساك
كيف الهوى يهون والقلب يهواك
تسهر عيوني تحلم بلقياك
ليت اللي باقي من عمري وياك
ماعشت عمري الحب ومعناه
لوعة وحرمان ماودي أنساه
=====================================
منــ ق ـــول للامانة
تحياتي
موضوع: اشعار من اجمل ماغنى راشد الماجد 
الجمعة مايو 22, 2009 3:13 am
